{大眾踩單車郊野上，良朋共享身心舒暢……} 年輕d既朋友都未必聽過呢首歌喇，不過呢首歌真係fit晒我地係4月14日既活動。今次既gathering主要係多謝番係上年Trailwalker幫我地8壯士做support team既朋友，請番佢地食番餐，聊表心意既；另一方面就梗係乘機踩下單車，運動下，都幾free架!

2點鐘起行，先由沙田踩去大埔，再去大尾督，之後再返大埔還車。沿途風光明媚，加上天公造美，吹著涼風，實在寫意，真係有衝動想買部好d既單車得閑踩下；不過諗真d，香港地咁少單車徑，踩馬路又同車爭路，博唔過。夜晚到大尾督燒烤皇燒雞翼，價廉物美，又唔多限制，誠意推介。閑談中，傾到今年既trailwalker都係11月舉行，有人提議walker同support team互相change round，一世人(至少)一次，值得考慮喎~~~