TMPSS

6月1 號晚，約左班小學同學聚會。相識左都有20年，好難得大家都重有聯絡同定期出黎食飯相聚。通常d人都會以為約出黎實係有人“派帖”之類咁既估計，但係我地一行8-10個同學仔就真係純粹聚下，談談近況咁。
我地先去尖咀天文台道既醉愛食日本野。Well，食物方面唔太物有所值，不過就人少少，同埋有電視播《溏膠》大結局，一眾師奶仔目不轉睛，加番d分。食完又轉場去Knutsford Terrace飲酒再傾，呢頭未散又約七月再聚，哈哈，唔錯唔錯!!!飲完兩支紅酒加Mocktail又轉場去IFC Red Bar join埋我兩個中學同學又嗲過。嘩，傾下傾下，傾到2點鐘人地收檔，以為大家散水，點知未夠喉，再轉戰我地屋企飲住傾，哈哈，有時即興既感覺真係無得頂。
正如鴨仔德所言，我地呢班由細已經識既朋友，大家細個已經見過對方最傻氣最天真既一面，縱使好耐無相聚，但係一見面都唔會覺得陌生，談天說地，無所不談。
好多謝各位親臨舍下食(清)左唔少擺左好耐但未過期既零食，希望我地無待慢到，期望下一次既聚會。