成功的秘訣不是勤奮

按照我地一般人既觀點，成功人士應該係世界上最忙既人。但實際上佢地成日打 golf，年年去度假。到底點解會咁？秘訣在於佢地既辦事效率異常地高。

懶人有個共通點，就係佢地非常討厭不必要的工作。因為不必要的工作往往佔用最多時間，但得到的回報卻最少。相反勤力的人為左顯示比人地睇佢地有幾咁勤力，佢地鐘意將簡單既事情複雜化，盡可能將自己 fully occupied，目的就在於比人覺得自己好勤力。呢種人通常都係一世都升唔到職既打工仔。

你可能會問：“乜勤力唔係一件好事黎架咩？“ 係，無錯，勤力係一種美德，但太注重手腳上的勤力而導致無時間思考係一個好大既問題。

思考是個人成功關鍵，相信大家都明白。試問一個人日日朝九晚十一咁去幫人打工，仲邊有時間思考？工作要做得聰明，做得有效率，咁先會得到老細賞識。

美國巨企福特汽車老闆 Henry Ford 曾經請過一個企業效率專家來評估福特汽車既企業效率，評估結果認為福特汽車既效率很高，但個專家就對其中一個員工既工作態度黎問 Henry Ford：“呢個人成日係間房度唔做野 un un 腳，對間公司好似無乜幫助，佢究竟係做D乜？“ Henry Ford 回答話：“哦，佢呀，佢之前諗到計幫公司每年慳左幾百萬美金，佢每次諗野果陣就係咁 un un 腳架啦，佢雖然唔勤力，但就係我最好既員工。“

So, 成功既祕訣不是勤奮，勤奮的人不一定成功。反而懶人機會仲大。因為佢地會好勤力地去諗一D方法去令自己可以永遠懶落去！