夫婦營後感

每逢有人結婚，我地通常都會祝佢地「白頭到老，永結同心｣！到底我地有冇真正諗過呢兩句祝福語係乜野意思呢？

啱啱過左個三日假期，我地參加左由國際家新協會舉辦既三日兩夜夫婦營。

有人會覺得我地夫婦之間梗係「出現左問題｣先去呢dcamp喇；或者有人覺得我同我老公／老婆都唔知幾好，駛乜去呢d camp。

做人做事，都係預防勝於治療好，夫婦間本來係恩愛既，去完學習完可以更加恩愛，更加了解；夫婦間開始溝通不足，就更要虛心學習同埋努力實踐，積極改善大家之間既關係。

夫婦營中一共有十對夫婦，當中有初婚的，有年長的；有用心改善的，有被迫參與的，有相敬如賓的，有貌合神離的等等；但經過三日積極的學習，導師們真心的教導和坦誠的分享，夫婦們都得到啟發，互吐心聲，關係得到改善。

一段婚姻可以「白頭到老｣，但係「永結｣，可以係「唔同心｣，唔想同床異發夢，相對無言就要靠大家努力喇。